"Ассошиейтед пресс" маалымат агенттигинин айтымында, 17-январ күнү Чеченстанда 16 орус аскери өлтүрүлдү. Орус күзөтчүлөрү чечен козголоңчулары койгон минага жарылганда, аларга каршы ок да атылып, сегиз аскер курман болгон. Ошол эле күнү чечендер орус аскеринин бир текшерүү түйүнүнө кол салып, үч аскерди өлтүрүп кеткен жана Грозный шаарындагы ички иштер бөлүмүндө дагы эки милицияны өлтүрүп, үчөөнү жарадар кылган. Андан тышкары, ошол эле күнү Жани-Ведено айылында эки жана Самашки айылында дагы бир орус аскери өлтүрүлгөн.
