3-февралда Жогорку Кеңештин мыйзам чыгаруу жыйыны «Баалуу кагаздар рыногу» тууралуу мыйзамды биринчи окууда кабыл алды. Депутат Кубатбек Байболов, Акылбек Жапаров жана Зайнидин Курманов тарабынан даярдалган мыйзам долборунда баалуу кагаздардын ачык жана жабык эмиссиясы деген жаңы түшүнүк киргизилди. Мыйзам авторлорунун айтымында, бул жабык типтеги компаниялардын ишине мамлекеттин кийлигишүүсүн азайтат. Баалуу кагаздар рыногу боюнча мамлекеттик комиссиянын төрагасы Уран Абдынасыровдун айтымында, өлкөдө азыр 1500 акционердик коом бар, алардын 23 миллиард сомдук акчасы баалуу кагаз катарында жүгүртүүдө жүрөт.
