Түркия өкмөтүн көзөмөлдөгөн "Адилеттик жана өнүгүү" партиясы 6-февралда тараткан маалыматка караганда, март айында өтө турган парламенттик кошумча шайлоого партия төрагасы Режеп Тайып Эрдоган катышат. Эгер ал депутат болуп шайланса, премьер-министр болууга да укук алат. Ноябр айында өткөн шайлоого Эрдоган катышпай калган, анткени мурда соттолгон, ошондуктан, Түркия өкмөтүн азыр Эрдогандын партиядагы орун басары Абдулла Гүл жетектейт.
