Бириккен Улуттардын Адам укуктары боюнча жогорку комиссары Сержио Виейра ди Меллонун айтымында, эл аралык террорчулукка каршы күрөш учурунда да адам укуктарынын бузулушуна жол берилбеши керек. 17-март күнү Женева шаарында жогорку комиссарлыктын бир жарым айга созула турган сессиясы башталды. Ди Мелло сессиянын ачылыш жыйынында - Куба аралындагы Гуантанамо базасында Америка Кошмо Штаттары алты жүздөн ашык адамды кармап жатканын мисалга келтирди. Анын пикиринде, ал туткундар адам чыдагыс шартта кармалат.