Медиктердин тилинде SARS деп аталган кооптуу вирустун жайылып кетишинен чочулап, Гонконгдун бийликтери мектеп, банк ж.б. айрым коомдук жайларды убактылуу жабышты. Дүйнөлүк саламаттыкты сактоо уюму дем алуу органдарына дарт чалчу жаңы вирустан дүйнөдө 55 киши мерт болуп, 1 жарым миңдей оорулуу катталганын билдирди. Жугуштуу дарт Сингапур, Вьетнам, Канада, Германия, Жапония, АКШ, Франция жана Британияда учураган.
Гонконгдун расмий өкүлдөрү адамдардын дем алуу органдарын жабыркатчу кооптуу дартка 45 киши чалдыгып, алардын 12си мерт болгонун жарыялашты
