Өлкөнүн түштүк чыгышындагы Бингөл провинциясында түнкү жер титирөөдөн улам куткаруу иштери жүрүүдө. Жер силкинүүсүнүн күчү Рихтер шкаласы боюнча 6,4 баллды түзгөн. Түрк өкмөт башчысы Режеп Эрдоган бейшемби күнкү кечке жуук билдиргенине караганда, зилзаладан 100 дөй адам каза таап, 450дөй киши жарадар болгон. 200дөй адам урандылардын алдында калган. Алардын көпчүлүгү - Бингөл шаарындагы жатак мектептин окуучулары. Куткаруучулар 70тей баланы урандылардын алдынан аман –эсен чыгарып алды. Жер титирөөгө байланыштуу Түркияга Грекиядан, Израилден, Италиядан, Германиядан, Франциядан жардам келе баштады.
