Иранда 17-майда мамлекеттик саясатты сынга алган Хашем Агажари аттуу адамга каршы сот иши кайрадан башталды. Өткөн жылдын июл айында ал - өлкөнүн диний жетекчилерин сындаганы үчүн камакка алынып, ноябрда өлүм жазасына кесилген, бирок аятолла Али Хаменеи кийлигишкенден кийин, феврал айында ал өкүм жокко чыгарылган жана жаңы сот дайындалган. Бирок бүгүн Агажари өзүн өзү актоодон жана адвокаттын кызматынан пайдалануудан баш тартты. Анын айтымында, сот ачык болуп, ага журналисттер катышмайынча, ал сотто сүйлөбөйт.
