Сауд Арабиядагы жардыруулар боюнча төрт киши кармалды

Баш калаа Эр-Рияддагы жанкечтилердин чабуулдары тууралуу кабары болгон жана "ал-Каида" менен байланышы бар төрт шектүү киши камакка алынды.
- Төртөөнүн "ал-Каида" менен байланышта болгонун ырастаган ишенимдүү фактылар бар, - деп билдирди Сауд Арабиянын ички иштер министинин орун басары Ахмед ал-Салем.
Өткөн жумада чет элдиктер турган комплекстеги жардыруудан тогуз жан кечтиден тышкары, 25 киши каза болгон эле.