Орусиянын тышкы иштер министри Игорь Иванов 20-майда Киев шаарынан атайын билдирүү жасап, Ирак боюнча АКШ сунуштаган резолюция үстүбүздөгү аптада кабыл алынышы мүмкүн деп билдирди. Алмания дагы резолюциянын жаңы редакциясын колдоп чыкты, анткени анда - Ирактын жаңы убактылуу өкмөтү түзүлгөндө, америкалык жана британиялык аскерлер Ирактан чыгарылат деп жазылган. Резолюциянын жаңы редакциясын Кытай дагы колдоду.
