ОШ. 26-май күнү Ош облустук мамлекеттик акимчилигинен алынган маалымат боюнча жекшемби күнкү добулдан улам көп жерлерде сел жүргөн. Сел Ош шаарынын «Амиртемир» кичирайонунан 10 үйдү, Карасуу районунун Шарк айыл өкмөтүндөгү Маданият айылынан 3 үйдү каптап кеткен. Учурда Экология жана күтүүсүз кырдаалдар министрлигинин адистери ал үйлөрдү кайрадан куруш керектигин же тазалагандан кийин адам жашоого болоорун изилдеп жатышат. Сел каналдан ашып кетип, Ош гуманитардык педагогикалык университетинин окуу корпусун да каптаган.
