БИШКЕК. «Моя столица» гезитинин өткөн жума күнкү нускасынын камакка алынышы жана анын жаңы сандарынын чыгышына тоскоолдук кылууга байланыштуу «Арнамыс» партиясы бүгүн билдирүү таратты. Анда ачыктыктын, жарандык позициянын символу болгон гезиттин нускаларын камакка алуу бийликтин өкүмзорлугу катары бааланып, бийликтин «демократия», «адам укугун урматтоо», «коррупция каршы күрөш» сыяктуу ураандары чет өлкөлүк «саясий саякатчыларды» жубатыш үчүн гана айтылып жатканы белгиленген. «Арнамыс» партиясы өз билдирүүсүндө кыргыз жарандарын жана бейөкмөт, эл аралык уюмдарды «Моя столицаны» коргоого чакырган.
