Владимир Путин Британияга алгачкы визитин баштады

Бул - Орусиялык жетекчинин 130 жылдан бери Британияга биринчи жолу мамлекеттик визит менен барышы. Путинди аэропорттон ханзаада Чарльз тосуп алды.
Орусиянын президенти Лондондо премьер-министр Тони Блэр менен эки ортодогу экономикалык жана саясий алакаларды талкуулайт. Бул алакалар Ирак согушуна байланыштуу солгундап калган эле.
Бүгүн кечинде ханыша Элизабет Путинди жана жубайы Людмиланы Букингем чебинде коноктойт.