Орусиянын Башкы прокуратурасы ЮКОС компаниясынын финансылык ишмердигин текшерип чыгууну салык жыйноо министрлигине тапшырды. Бул тууралуу министрдин орун басары Ринат Досмухамедов билдирди. Ал эми ЮКОСтун президенти Михаил Ходорковский бүгүн АКШдан, дүйнөдөгү ири ишкерлердин жолугушуусунан кайтып келип, компания мындан ары ишин улантып, «Сибнефть” компаниясы менен биригүү аракеттерин көрөрүн билдирди. Анын айтымында, ЮКОСтун айланасында болуп жаткан чуу Орусиядан миллиондогон акчалардын агып кетишин шарттайт.
