Бүгүн ачылып жаткан жыйынга Евробиримдикке мүчө жана ага эмдиги жылы кошула турган 10 өлкөнүн лидерлери чогулушат. Франциянын мурдагы президенти Жескар Д'Эстен жетектеген жумушчу топ 16 айга созулган талкуунун натыйжасында июнь айында орток документтин долбоорун даярдап бүткөн. Римдеги жыйында конституциядагы Европа Биримдиги кандайча башкарылаары, андагы саясий көзөмөл, добуш берүү жараяндары жөнүндөгү жоболор макулдашылаары күтүлөт. Долбоор Евробиримдикке талаптанган айрым чакан мамлекеттердин келечекте Биримдикте Франция, Германия, Британия өңдүү алдыңкы өлкөлөр үстөмдүк кылышы мүмкүн деген чочулоосун жаратууда.
