Таиланддын борборуна атайын уруксат алган гана самолеттор коно алат, калган учуучу аппараттардын баары,алардын ичинде атүгүл дельтапландар да атып түшүрүлөт. Дүйшөмбү күнү бул жерде Азия-Тынч океан кызматташтык уюмунун жогорку деңгээлдеги жыйыны ачылат. Форумдун коопсуздугун камсыз кылганы абадан коргонуучу күчтөр күжүрмөн абалга келтирилди. Бийликтер АТЭКтин жыйыны маалында террордук акциялар жасалышы ыктымал деп чочулап жатышат.