АКШ президенти Жорж Буш бүгүн Токио шаарында Жапаниянын премьер-министри Дзюнитиро Коидзуми менен жолугуп, Ирактагы абалды, Түндүк Корея маселесин жана дүйнөлүк экономикадагы өзгөрүүлөрдү талкуулады. Коидзуминин айтымында, Иракка аскер жиберүү маселесин Токио дагы чече элек: “Иракка бейпилдик күчтөрүн жиберүү маселеси боюнча биз өз конституциябыздын чегинде талкуу жүргүзүүгө тийишпиз. Бул багытта кандай жардам көрсөтө алаарабызды биз жакшылап ойлонуш керекпиз”.
