БИШКЕК. Эртең Бишкекте Кыргызстандагы коммерциялык эмес уюмдардын маселелерине арналган конференция өз ишин баштайт. Эки күндүк бул жыйында республикадагы социалдык жардамга муктаж болгон топтордун кызыкчылыктарын коргоо тармагында иштеген коммерциялык эмес уюмдардын тажрыйбасы талкууланат. Жыйындын ишине өлкөнүн бардык региондорундагы коммерциялык эмес уюмдардын, парламенттин, мамлекеттик органдар менен эл аралык уюмдардын өкүлдөрү катышат.
