ГРОЗНЫЙ. Кечээ кечинде Чеченстандын Шали районунда Россиянын аскердик машинеси аткылоого дуушар болуп, андан орус армиясынын полковниги менен анын шоферу курман болду. Өз кабарчыбыздын маалыматына караганда, бүгүн Грозныйдын Завод районунда куралчан чечен козголоңчуларын издөө операциясы жүргүзүлүүдө. Ишенбиде эртең менен бул чөлкөмдөн ок атуудан курман болгон орус офицер менен эки солдаттын сөөктөрү табылган. Биринчи Май айылында кечээ куралчан чечендер милициянын постуна кол салып, бир милиционерди жарадар кылып кетишкен.
