Калифорнияда Лос-Анжелес шаарынан анча алыс эмес жерде тынымсыз жааган жаандын айынан жер көчкү жүрүп, Уотермен капчыгайындагы балдардын эс алуу лагерин басып калды. Кеминде 10 киши дайынсыз жоголгон катары эсептелүүдө. Ортодоксалдык чиркөө тарабынан уюштурулган лагерде 7 жаштан 17 жашка чейинки балдар бар болчу. Жер көчкүнү тосуп кала турган токойлор калбай калган, анткени бул өрөөндө күзүндө бак-дарактын баары өрттөнүп кеткен. Трагедия болгон жерде куткаруучулар иштеп жатышат.
