БИШКЕК. «4-декабрда Грузияда президенттик шайлоо демократиялык мүнөздө, адилет жана чынчыл өттү. Байкоочулар бирин-серин гана мыйзам бузуу фактысына күбө болушту», - деп билдирди 5-декабрда Тбилисиден Грузиядагы шайлоого байкоо жүргүзгөн кыргызстандык саясатчылар Өмүрбек Текебаев, Топчубек Тургуналиев жана Турсунбек Акун. Ө. Текебаевдин айтымында, Грузиядагы шайлоодо бийлик административдик мүмкүнчүлүктү пайдаланууга жол берди. «Бирок, ага карабай Грузиядан шайлоону кантип өткөрүүнү үйрөнө турган жагдайлар арбын», - деп белгиледи Өмүрбек Текебаев.
