Кубада глобалдашуу жана өнүгүү проблемаларына арналган эл аралык 6-чукул жыйын аяктады

Анын жабылышында Кубанын президенти Фидель Кастро 4 жарым саатка созулган баяндама жасап, АКШ экономикасы начарлап бараткан чакта Вашингтон 41 жыл мурда киргизген санкцияларга карабастан, Кубада адамдар бекер дарыланып, акысыз билим алып жатканын белгиледи. "АКШнын Кубада демократия орнотуу планынын башкы максаты – менин көзүмдү тазалоо", - деп кайталады бир нече жолу Кастро. Өткөн октябрь айында АКШ администрациясы "Эркин Куба" деген аталышта атайын комиссия түзгөнүн жарыялаган мамлекеттик катчы Колин Пауэлл бул комиссия президент Кастрону бийликтен кетирүү максатын көздөбөйт деп белгилеген.