БИШКЕК. Бүгүн Кыргызстанга Эл аралык валюта корунунун Таапио Саавалайнен жетектеген миссиясы келди. Эл аралык валюта корунун Кыргызстандагы өкүлчүлүгүнүн кабарлоосуна караганда, миссия Кыргызстандын социалдык-экономикалык абалы менен таанышуу максатында, жогорку бийлик өкүлдөрү менен жолугушууларды өткөрөт. 25-февралда өкмөт башчы Николай Танаев, андан соң президент Аскар Акаев, Экономикалык өнүктүрүү министри жана Улуттук банктын жетекчиси менен жолугушат. Миссия Кыргызстанда 4-мартка чейин болуп, иш сапарынын соңунда журналистер үчүн маалымат жыйынын өткөрөт.
