Ирактын убактылуу конституциясына кол койуу кийинкиге калтырылды

Ирактын башкаруу кеңеши убактылуу башмыйзамга кол коюу аземин кечеңдеттүү тууралуу чечим кабыл алды. Анын себеби - кеңешке мүчө болгон беш шийит саясатчынынын башмыйзамга кол коюудан баш тартканы болду.
Убактылуу башмыйзам өлкөдө шайлоо өткөрүлүп, жаңы шайланган парламент туруктуу конституция кабыл алганга чейин колдонулууга тийиш.
Ирактагы Америка Кошмо Штаттарынын аскер башчысы Жон Абизеиддин билдирүүсүнө караганда, Иракта олуттуу өзгөрүүлөр болууда. Мурдагы оккупация деген мезгил бүтүп баратат. Эми эки тараптуу кеңири кызматташуу жоопкерчилиги турат.
Ал эми Ирактын башкаруу кеңешинин башчысы Мохаммед Бахр ал-Улюм коалициялык күчтөр өлкөнүн коопсуздугу үчүн болгон аракетин жасайт деп билдирди.
Бейшемби күнү Багдадда минометтук чабуулдан дагы үч адам набыт болду.