БИШКЕК. Бул күндөрү Ингушетиянын мурдакы президенти, Ооганстандагы согушка катышкан интернационал жоокерлердин КМШдагы комитетинин төрагасы Руслан Аушев Кыргызстанда иш сапарда жүрөт. Ал бүгүн Ооганстандагы согушка катышкан кыргызстандык жоокерлер менен жолугушуп, 10дон ашык интернационал жоокерге Орусиянын эстелик медалын тапшырды. Андан тышкары Ооганчы жоокерлердин азыркы абалы менен таанышып, алардын көйгөйлөрүнөн кабар алды. Мындай маалымат бүгүн Кыргызстандын Улуттук гвардиясынын басма сөз кызматынан алынды.
