ДУШАНБЕ. Май айынан баштап Тажикстан Кытай менен чек арасын ачууга ниеттенип жатат. Тажик президентинин аппараты тараткан маалыматка караганда, чек аранын ачылышы Кытай менен автоунаа байланышын түзгөнгө мүмкүндүк берет. Бул эки мамлекет узундугу 520 километр келген орток чек арасын 2002-жылы демаркациялап бүткөн. Синьхуа кабар агенттиги чек ара өтмөлүктөрдү 25-майда ачыла турганын айтат. 2002-жылдан баштап Тажикстандын чек арачылары Тажик- Кытай чек ара тилкесин күзөтүүнү россиялык чек арачылардан толук өткөрүп алышкан.
