Университеттин профессору Хашим Агажари алла таалага акаарат келтирди деген айып менен 2002-жылы ноябрында өлүм жазасына өкүм кылынган эле. Соттун өкүмү Тегеранда массалык нааразылыктарды пайда кылган. Кечээ Хамедан провинциясынын соту профессордун ишин кайра карап, мурдагы өкүмүн күчүндө калтырды. Агажари өлкөдөгү диний төбөлдөрдү сынга алып, аларды мусулманчылыктын жоболорун бурмалап жатат деп айыптаган эле. Агажариге чыгарылган өкүмдү эми Жогорку сот карап чыгышы мүмкүн.
