Казакстанда кечээ күнү бийлик менен көз карандысыз гезит ортосундагы бир чатак сотсуз чечилди. "Ассанди-Таймс" аттуу гезиттин айтымында, бир нече оппозициялык саясатчы кызматынан чегине турганы жөнүндө жазылган гезиттин жасалма санын тымызын түрдө бийлик өзү чыгарган. Андай күнөөнү уккан президенттик администрация дароо гезитти сотко берип, андан 730 миң доллар айып өндүрүп берүүнү талап кылган. Бирок Алматы шаарынын райондук сотунда кечээ күнү жолугушуу болгондон кийин, тараптар маселени сотсуз чечип алууга макулдашты.
