БИШКЕК. Канада өкмөтү Кыргызстанда убактылуу жашап жаткан 500дөн ашуун Ооганстандык качкынды кабыл ала турган болду. Бул тууралуу бүгүн БУУнун качкындар боюнча жогорку комиссарынын кеңсесинен билдиришти. Маалыматка караганда, азыр Тажикстанда жашап жаткан ооган качкындарынын бир тобун Канада өкмөтүнүн кабыл алуу маселеси каралып жатат. Ооган качкындарынын алды 1980-жылдары моджахеддер менен СССРдин аскерлеринин согушу башталганда качып келишкен. Айрымдары Ооганстанга талибдердин бийлиги орногондо ата журтун таштоого мажбур болушкан.
