Бажы кодекси ишке киргизилет

БИШКЕК. Мамлекет башчысы Аскар Акаев “Бажы кодексин ишке киргизүү тууралуу” мыйзамга кол койду. Бул тууралуу президенттин басма сөз кызматынан бүгүн билдиришти. Жаңы бажы кодекси бажы кызматынын укуктук, экономикалык жана уюштуруу иштерин аныктайт. Ошондой эле мыйзам өлкө аймагына ташылып келүүчү жана ташылып кетүүчү товарларды, транспорт каражаттарын көзөмөлдөп, эсеп чотун алып, иретке келтирүүдө эл аралык стандартка ылайык келет.
Аталган кодекс 2005-жылдын 1-январынан баштап күчүнө кирет.