КАРАКОЛ. Оюнду республиканын Эл артисти Акылбек Абдыкалыков өнөр секисине алып чыкты. Режиссердун айтымында, республиканын Эл жазуучусу Зуура Сооронбаеванын 80 жылдыгына карата коюлган бул драмада бүгүнкү турмуш чындыгы, атап айтканда, ата баланын ортосундагы пикир келишпестиктер таасын чагылдырылган. Аталган спектакль көрармандардын жылуу пикирине арзып, андагы каармандардын бейнелерин жараткан республиканын Эмгек сиңирген артисттери Шайыр Супатаеванын, Шаршен Дүйшөнкуловдун, Давлет Нургазиевдин ойноо чеберчиликтери автордун да, режиссердун да ой максатына шайкеш келгендиги менен айырмаланды.
