Уюмдун баш катчысы Николай Бордюжа алты өлкөнү бириктирген бул уюм – Борбор Азия жана Кавказдагы коопсуздукту бекемдөө ишинде НАТО менен күч бириктирүүгө кызыкдар экенин билдирди. Бул тууралуу ал бүгүн Кыргызстандын түндүгүндөгү "Эделвейс" аскердик базасында аяктап жаткан биргелешкен аскердик машыгуулар маалында айтты. Ал жерде Жамааттык коопсуздук келишимине кошулган Орусия, Кыргызстан, Казакстан, Тажикстандын атайын аскердик бөлүктөрү ыктымал террордук чабуулдарга каршы аракеттерди сынашты.
