ЖАЛАЛАБАД. Облустун табият кырсыктары күтүлгөн 300дөн ашык жерде 1308 үй-бүлө жашап жатат. Алардын ичинен 205 үй -бүлө башка жакка көчүү сунушун алган. Бирок каржылык жетишсиздиктен улам Сузак менен Аксы, Жалалабад жана Чаткал, Базаркоргон, Майлысуу жана Ташкөмүр аймактарындагы 570 үй-бүлөгө 200 миң сомдон чектелген өкмөттүк жардам эмдигиче толук берилип бүтө элек. 1998-2004 жылдар аралыгында материалдык колдоо алуучу үй-бүлөлөргө 24 миң сомдон берилген каражатка турак жай куруу мүмкүн эмес. 2001-2003-жылы үйлөр жашоого жараксыз болгон бир нече жарандарга орточо 130 жана 150 миң сомдон каржылык колдоо көрсөтүлүп, өзүлөрүнүн тандоосу боюнча үй-жай сатылып берилгендигин облустук экология жана күтүүсүз кырдаалдар башкармасы кабарлады.
