Кыргызстандагы парламенттик шайлоого байкоо жүргүзүү үчүн келген «Шайлоого байкоо салуу уюмдарынын Европа тармагынын» өкүлү Петер Навотнынын баамында, «Азаттык» радиосунун шайлоо алдында обого чыкпай калышы көпчүлүктү кабатырлантып жатат:
- Бизди бул көрүнүш абдан тынчсыздантып жатат. Анткени маалымат каражаттарын жабуу же алар менен байланышкан башка көйгөйлөрдүн бардыгы күмөн саноону жаратат.
«Азаттык» радиосунун катардагы угармандарынан баштап, саясий партияларга чейин радионун уктурулбай калышына парламенттик шайлоо себеп болду деп эсептешүүдө. Алар бийлик шайлоого байланыштуу карама-каршы маалыматтарды элге жеткирбөө максатын көздөп жатат деген пикирде.
Кыргызстан элдик кыймылынын төрагасынын орун басары Ишенгүл Болжурова муну бийликтин атуулдардын маалымат алуу укугун бузуу деп баалады:
- Шайлоо алдында элге обьективдүү маалымат жетпеш үчүн жапты. Бул Конституцияга жана башка мыйзамдарга карама-каршы жасалган аракет.
«Кыргызтелекомдун» алдындагы радиожыштыктар боюнча башкармалыктын директору Кубанычбек Бегалиев «Азаттык» радиосу уктурулган радиожыштыктын жабылышына шайлоо эмес, 10-мартта өткөрүлө турган аукцион башкы себеп деп билдирди. Анын айтымында, «Азаттык», «Эркин Европа», «Америка үнү» радиолорун чет өлкөлөрдө уктуруу маселесин тейлеген бюрого «Азаттык» радиосу чыккан жыштык аукцион аркылуу сатыла тургандыгы өткөн жылдын декабрь айында кабарланып, бюро ага катышуу ниетин билдирген.
Кубанычбек Бегалиевдин айтымында, аталган радио аукционго катышуу өтүнүчүн убагында жибербей, 25-февралда өтүнүч берүү мөөнөтүн 28-февралга чейин узартууну суранган кат жөнөткөн.
Кубанычбек Бегалиевдин билдирүүсү боюнча, аукциондо жыштыкты утуп алса «Азаттык» радиосу 10-март күнү эле обого чыгат. Ал эми радиожыштыкты аукционго чейин жаап коюуга техникалык даярдыктан өткөрүү зарылдыгы түрткү болду дейт:
- Зарылдык тармактын эскилигинен улам пайда болду. Мен аукционго жыштыктыктардын бардык мүмкүнчүлүктөрү көрсөтүлгөн документтердин топтомун коюшум керек. Ага чейин тармакты аукциондун талаптарына жооп бергидей кылып даярдашым керек.
Шайлоо алдындагы саясий кырдаалды «Фридом хаус» эл аралык уюмунун көмөгү менен түзүлгөн көз карандысыз басмакананын 22-февралдан бери электр жарыгысыз калганы курчутту. Бул окуя да коомдо эркин гезиттердин элге жетишине кыйыр түрдө бут тосуу катары бааланып, басмакананы түзүүгө көмөкчү болгон эл аралык уюмдар тынчсызданып жатышат.
«Түндүкэлектр» станциялар ишканасынын башчысы Сапарбек Балкыбеков 26-фералда басмаканада жарыктын өчүрүлүшүнө өзү жетектеген ишкананын эч кандай тиешеси жок деп билдирди:
- Бул басмакананын кызматкерлери биз талап кылган техникалык тартиптерди аткарган жок. Бул басмакана электр жарыгын буга чейин бизден эмес, «Ибраимов» аттуу жеке менчик ишканадан алчу. Басмакана жеке менчик ишканадан кетип, жарыкты «Түндүк электр» станциясынан алабыз деп былтыр жайында бизге кайрылган. Ага биз макул болуп, бирок, момундай подстанция жана линия кургула деп, атайын техникалык шарттар белгиленген көрсөтмөлөрдү бергенбиз. Тилекке каршы,бул басмакана мурдагы жеке ишканадан кеткенден кийин «Түндүк электр» станциясына кошулууга негиз берген талаптарды аткарган жок. Ал эрежелер аткармайын биз булар жаңы курган подстанциясына жарык бере албайбыз.
Ал эми басмакананын башкы директору Андрей Миасаров «Түндүк электр» ишканасынан жарык алууга негиз түзгөн документтерди даярдоого башынан туура эмес багыт берилгендигин, бул кырдаалга шайлоо да таасир берди деген ойдо:
- Биз негиз кылган алгачкы документ башка мекеме тарабынан берилип, 8 айдан бери биздин ишке тиешеси жок мекеменин талаптарын аткарыптырбыз. Демек, башынан баштап бизге тескери багыт берилген.
- Бизди бул көрүнүш абдан тынчсыздантып жатат. Анткени маалымат каражаттарын жабуу же алар менен байланышкан башка көйгөйлөрдүн бардыгы күмөн саноону жаратат.
«Азаттык» радиосунун катардагы угармандарынан баштап, саясий партияларга чейин радионун уктурулбай калышына парламенттик шайлоо себеп болду деп эсептешүүдө. Алар бийлик шайлоого байланыштуу карама-каршы маалыматтарды элге жеткирбөө максатын көздөп жатат деген пикирде.
Кыргызстан элдик кыймылынын төрагасынын орун басары Ишенгүл Болжурова муну бийликтин атуулдардын маалымат алуу укугун бузуу деп баалады:
- Шайлоо алдында элге обьективдүү маалымат жетпеш үчүн жапты. Бул Конституцияга жана башка мыйзамдарга карама-каршы жасалган аракет.
«Кыргызтелекомдун» алдындагы радиожыштыктар боюнча башкармалыктын директору Кубанычбек Бегалиев «Азаттык» радиосу уктурулган радиожыштыктын жабылышына шайлоо эмес, 10-мартта өткөрүлө турган аукцион башкы себеп деп билдирди. Анын айтымында, «Азаттык», «Эркин Европа», «Америка үнү» радиолорун чет өлкөлөрдө уктуруу маселесин тейлеген бюрого «Азаттык» радиосу чыккан жыштык аукцион аркылуу сатыла тургандыгы өткөн жылдын декабрь айында кабарланып, бюро ага катышуу ниетин билдирген.
Кубанычбек Бегалиевдин айтымында, аталган радио аукционго катышуу өтүнүчүн убагында жибербей, 25-февралда өтүнүч берүү мөөнөтүн 28-февралга чейин узартууну суранган кат жөнөткөн.
Кубанычбек Бегалиевдин билдирүүсү боюнча, аукциондо жыштыкты утуп алса «Азаттык» радиосу 10-март күнү эле обого чыгат. Ал эми радиожыштыкты аукционго чейин жаап коюуга техникалык даярдыктан өткөрүү зарылдыгы түрткү болду дейт:
- Зарылдык тармактын эскилигинен улам пайда болду. Мен аукционго жыштыктыктардын бардык мүмкүнчүлүктөрү көрсөтүлгөн документтердин топтомун коюшум керек. Ага чейин тармакты аукциондун талаптарына жооп бергидей кылып даярдашым керек.
Шайлоо алдындагы саясий кырдаалды «Фридом хаус» эл аралык уюмунун көмөгү менен түзүлгөн көз карандысыз басмакананын 22-февралдан бери электр жарыгысыз калганы курчутту. Бул окуя да коомдо эркин гезиттердин элге жетишине кыйыр түрдө бут тосуу катары бааланып, басмакананы түзүүгө көмөкчү болгон эл аралык уюмдар тынчсызданып жатышат.
«Түндүкэлектр» станциялар ишканасынын башчысы Сапарбек Балкыбеков 26-фералда басмаканада жарыктын өчүрүлүшүнө өзү жетектеген ишкананын эч кандай тиешеси жок деп билдирди:
- Бул басмакананын кызматкерлери биз талап кылган техникалык тартиптерди аткарган жок. Бул басмакана электр жарыгын буга чейин бизден эмес, «Ибраимов» аттуу жеке менчик ишканадан алчу. Басмакана жеке менчик ишканадан кетип, жарыкты «Түндүк электр» станциясынан алабыз деп былтыр жайында бизге кайрылган. Ага биз макул болуп, бирок, момундай подстанция жана линия кургула деп, атайын техникалык шарттар белгиленген көрсөтмөлөрдү бергенбиз. Тилекке каршы,бул басмакана мурдагы жеке ишканадан кеткенден кийин «Түндүк электр» станциясына кошулууга негиз берген талаптарды аткарган жок. Ал эрежелер аткармайын биз булар жаңы курган подстанциясына жарык бере албайбыз.
Ал эми басмакананын башкы директору Андрей Миасаров «Түндүк электр» ишканасынан жарык алууга негиз түзгөн документтерди даярдоого башынан туура эмес багыт берилгендигин, бул кырдаалга шайлоо да таасир берди деген ойдо:
- Биз негиз кылган алгачкы документ башка мекеме тарабынан берилип, 8 айдан бери биздин ишке тиешеси жок мекеменин талаптарын аткарыптырбыз. Демек, башынан баштап бизге тескери багыт берилген.
