БИШКЕК. Февраль айынын аягынан бери Кыргызстанда көз карандысыз сайттардын иши үзгүлтүккө учуратылды. Маселен, 8-мартка карай «Арнамыс» партиясынын сайты, «Kyrgyz.us», «Центразия» сайттары ачылбаган бойдон калууда. «Арнамыс» партиясынын өкүлдөрү муну шайлоо учурунда маалымат таратууга тоскоолдук жасоо максатында бийлик тарабынан жасалган акт катары баалашууда. Кыргыз парламентин шайлоо катаал маалымат согушунун алкагында жүрүүдө, деп жазат «Республика» гезитине хакерлердин чабуулуна кабылган 8 интернет сайттын редакторлору.
