Кошмо Штаттары Улуттар уюмунун Коопсуздук кеңешинин кеңейтилишине жана ага туруктуу өкүл катарында Бразилия, Германия, Индия жана Жапониянын мүчөлүккө алынышына каршы. Бүгүн Нью-Йоркто АКШнын мамлекеттик департаментинин өкүлү БУУнун башкы Асамблеясында ушундай билдирүү жасады. АКШ башка мамлекеттерди да “каршы” добуш берүүгө үндөдү. Коопсуздук кеңешинин кеңейтилишине Орусия, Канада, Уругвай, ошондой эле Жаңы Зеландия да каршы экендиктерин билдиришти.
