БИШКЕК. Шаардык кенештин төрайымы Нуржамал Байболованын 17-августта “Азаттыкка” билдиргенине караганда, шайлоо шаардык кенештин депуттары тарабынан жашыруун добуш берүү аркылуу жүргүзүлөт. Президенттин буйругуна ылайык, мамлекет башчынынын атынан келген өкүл талапкерлердин ысымдарын ошол күнү шайлоо алдында гана жарыя кылат. Азырынча баш калаанын башчылыгына талапкер катары учурда шаар башчысынын милдетин аткарып жаткан Аскар Салымбековдун жана анын орун басарлары Арстанбек Ногоев менен Чынарбек Алымкуловдун ысымдары аталууда.
