Азербайжандык белгилүү оппозициячы Расул Кулиев 10 жыл бозгунчулукта жүргөн соң, бүгүн мекенине кайтып бараары күтүлүүдө. Мурдагы парламент төрагасы жана учурда Азербайжандын демократиялык партия башчысы Кулиев 1996-жылдан бери АКШда башпааналап келаткан. Ырасмий Баку ага мамлекеттик казнага кол салган деген кине тагып, кайтып барса камакка алынаарын эскерткен. Ноябрда өтө турган парламенттик шайлоого талапкер болуп катталган Расул Кулиев айыптоолорду четке кагып келатат.
