Хамид Карзай Пакистандын түндүгүндө 10 миңдеген кишинин өмүрүн алган зилзалага жардам алып келди. Исламабадда ал бир күн болуп, президент Первез Мушараф жана өкмөт башчысы Шаукат Азиз менен жолугушууда. Ооган президенти өзү менен дары-дармек, медициналык жабдыктарды алып, 30 чакты дарыгер жана башка медициналык кызматкерлерди ээрчите келди. Пакистан 8-октябрдагы жер титирөөдөн 53 миңден ашык кишинин курман болгондугун айтууда.
