Пакистандагы авиачабуулда өлгөндөрдүн арасында "ал-Каиданын" белгилүү мүчөсү бар

АКШныкы делген ракеталык сокку өткөн аптада жасалган. Америкалык Эй-Би-Си телеканалынын кабарына караганда, өлгөн адамдардын бири "аль-Каиданын" белгилүү мүчөсү – Мидхат Мурси экенин Пакистан бийликтери аныктаган. "Аль-Каиданын" лидери Усама бин -Ладендин орун басары Айман ал- Завахриге каршы багытталгандай болгон чабуулдан кийин Пакистанда нааразылык акциялары чыккан эле. Андан ооган чек арасына жакын турган кыштактын кеминде 18 тургуну, анын ичинде аялдар менен балдар да мерт болгон.

Улан Эшматов, Прага