Грузия президенти Михаил Саакашвили кечээ күнү кызмат сапар менен Алманияга келди, бүгүн ал Берлин шаарында немис президенти Хорст Көллер жана тышкы иштер министри Франк Валтер Штайнмайер менен кездешет. Эртең Саакашвили Мюнхен шаарына барып, жыл сайын өткөрүлүүчү коопсуздук маселелери боюнча эл аралык конференцияга катышат. Мюнхендеги жыйынга АКШ коргоо министри Доналд Рамсфелд жана НАТО уюмунун баш катчысы Яап де Хооп Схеффер да келээри күтүлүүдө.
