Жекшембиде Түркиянын Истамбул шаарында 10 миңдеген кишилер көчөгө чыгып, Дания жана Британиянын премьерлери, АКШнын президентинин самандан жасалган сөлөкөттөрүн өрттөштү. Пакистандын башкалаасында албууттанган демонстранттарга каршы полиция көздөн жаш агызчу газ колдонуп, асманга ок атканы кабарланууда. Дания Исламабаддагы элчисин чакыртып алды. Мукамбет пайгамбарды мыскылдаган тамаша сүрөттөргө каршы акциялар жекшембиде Индия менен Индонезияда да болуп өттү.
