БИШКЕК. Кыргыз бийлиги өлкөдөгү 40 айыл өкмөттүн башчыларына бирден жеңил автоунаа тартуулады. Бишкектин Алатоо аянтында президенттик администарция башчысы Үсөн Сыдыков жергиликтүү бийлик башчыларына «Нива» жана «Жигули» үлгүсүндөгү автоунааларды тапшырып жатып, бул башталышы гана экенин, ушул айдын акырына дейре айыл өкмөттөргө дагы 60 автоунаа, трактор жана компьютерлер берилээрин айтты. Автоунаалар биринчи кезекте алыскы жана шарты кыйын айыл өкмөттөргө берилди.
