Шаршембиде Улуттар уюмунун башкы Ассамблеясы адам укуктары боюнча Кеңеш түзүү планын колдоду

170 мамлекет буга макулдугун билдирди, 3 өлкө калыс болду, ал эми төрт өлкө, анын ичинде Кошмо Штаттары, каршы чыгышты.
Аталган Кеңеш Адам укуктары боюнча буга чейинки Комиссиянын оордуна түзүлөт. Баш-кеңсеси Женевада жайгашкан бул Комиссияга соңку жылдары өздөрүндө адам укуктары орой бузулуп жаткан бир нече өлкөлөр мүчө болуп келишкен.
АКШ “жаңы түзүлгөн Кеңештин ишинде деле мына ушул эле жагдай кайталанат” деп ишенет.