БИШКЕК. Бүгүн президент Курманбек Бакиев элдик ыңкылаптын бир жылдыгына карата журналисттер үчүн маалымат жыйынын өткөрдү. Мурдагы президент тууралуу суроого Курманбек Бакиев «эгер Аскар Акаев кечирим сураганда айкөл кыргыз эли кечирмек, менимче, анын азырынча Кыргызстанга кайтып келүүсүнө эч кандай зарылдык жок, жубайы экөө сыртта туруп алып жазган макалаларынан улам мен алар эмне болгонун, эмне үчүн болгонун дале түшүнбөптүр деген ойдо калдым» - деп жооп берди. Президент ошондой эле Аскар Акаевдин бийлигинин кулашына эл менен бийликтин ортосу өтө эле алыстап кеткени негизги себеп болгонун белгиледи.
