БИШКЕК. Президент Курманбек Бакиев башкаруунун ар кандай түрлөрү боюнча баш мыйзамдын долбоорлорун даярдоо үчүн жумушчу топ түзүү тууралуу жардыкка кол койгонун бүгүн президенттин маалымат кызматынан кабарлашты. Топту Жогорку Кеңештин депутаты Азимбек Бекназаров жетектейт. Жумушчу топко буга чейин жалпы элдик талкуулоого коюлган баш мыйзамдын долбоорун талкуулоо учурунда түшкөн сунуштардын негизинде мамлекеттик башкаруунун түрлөрү боюнча өлкө конституциясынын долбоорлорун даярдоо милдети жүктөлгөн.
