БИШКЕК. «Демократия жана жарандык коом үчүн» бейөкмөт уюмдар коалициясынын башчысы Эдил Байсалов Боршайкомдун Рысбек Акматбаевге байланышкан чечимин эң туура жана мыйзамдуу чечим деп эсептейт. Бул тууралуу аталган уюм тараткан билдирүүдө айтылат. Билдирүүдө бийлик жана коомчулук Рысбек Акматбаевдин жактоочуларынын нааразылык чараларына, жол тосууларына даяр турушу керектиги белгиленген. Аталган уюм буга дейре Борбордук шайлоо комиссиясына Рысбек Акматбаевди шайлоодон четтетүү талабы менен кайрылып келген.
