БИШКЕК. Юстиция министри Марат Кайыповдун айтымында ушул аптада Ош, Жалалабад жана Баткен облустарында мамлекеттик башкаруу органдарынын жетекчилерине, район акимдерине жана айыл өкмөт башчыларына башкаруунун формаларын түшүндурүү боюнча семинарлар өткөрүлдү. Жакында мындай иш-чаралар Нарын, Талас, Чүй жана Ысыккөл облустарында да болот. Президенттин жардыгына ылайык, Кыргызстанда 2006-жылдын акырында мамлекеттик башкаруу формасын тандап алуу боюнча референдум өткөрүлөт. Мамлекеттик башкаруунун түрлөрү боюнча сабат жоюу сабактары адегенде мамлекеттик башкаруу органдарынын кызматкерлери үчүн уюштурулууда.
