Атомдук программага ээ болгонго Ирандын укугу бар, деп айтты Мостафа Мохаммад Нажар бүгүн Бакуда. Министр бу жерде үч күндүк визит менен жүрөт. Нажар тирешти күчөтүп жатканы үчүн Батыш өлкөлөрүн айыптады. Кечээ Москвада Евросоюздун үч өлкөсү – Британия,Германия жана Франция Ирандын өкүлү менен сүйлөшүүлөрдү өткөрүштү. Анын натыйжасы тууралуу эчтеме айтылган жок.
