Европа Биримдиги менен Россиянын ортосунда визалык режимди жөнөкөйлөштүрүү жөнүндөгү келишимге кол коюлду. Ага ылайык, Россиянын бир катар тармактарда иштеген атуулдары үчүн, алардын ичинде мамлекеттик кызматта, илим, ишкердик тармагында, маалымат каражаттарында иштегендер үчүн визалык жеңилдиктер киргизилет. Европа өлкөлөрүнө баруу үчүн визаны алуу 35 евро болоору аныкталды. Европа Биримдиги менен Россиянын Сочидеги саммитинде мыйзамсыз жолдор менен келген иммигранттарды өткөрүп берүү жөнүндөгү макулдашууга да кол коюлду.
