БИШКЕК. Кыргызстандын акыйкатчысы Турсунбай Бакир уулу №57 Кемин шайлоо округунун 200 чамалаш шайлоочусунун катын Жогорку Кеңештин төрагасы Марат Султановго жолдоду. Акыйкатчыга жөнөтүлгөн бул катта округдан шайланган депутат Айдар Акаев шайлоочулардын укуктарын бир жылдан бери коргобой келатканы айтылат. Турсунбай Бакир уулунун «Азаттыкка» билдиргенине караганда, бир жылдан бери иш ордунда болбой келаткан депутатка Жогорку Кеңеш өзү мыйзам чегинде баа бериши керек.
